Descripción de ISTO É MOI ESTRAÑO
Un divertidísimo álbum que convida a xogar coas palabras e coas imaxes. Mamá sempre di que eu son o seu pequeno coala. Papá non opina o mesmo, cre que son o seu ratiño. E, cando durmo, non sei por que, os dous pensan que son un leirón... Cada día e en diferentes situacións, os adultos empregamos símiles e metáforas que non sempre son ben comprendidos polas nenas e os nenos máis pequenos. Estas aparentes dificultades son a materia coa que Matilde Tacchini crea esta divertida historia, chea de humor, dobres sentidos e situacións hilarantes que nos invita a xogar coas marabillosas posibilidades creativas da linguaxe. As ilustracións de trazo fresco e rápido de Mercè Galí dialogan co texto acentuando o seu sentido do humor e deixando pistas sutís que nos conducen a un sorprendente final.